საქართველოს პრეზიდენტმა გიორგი მარგველაშვილმა პარლამენტს პრემიერ-მინისტრის თანამდებობაზე „ქართული ოცნების“ მიერ შეთავაზებული კანდიდატი – გიორგი კვირიკაშვილი წარუდგინა.
შესაბამისი განკარგულება პრეზიდენტმა უკვე გამოსცა.
„საქართველოს პრეზიდენტის 2016 წლის 18 ნოემბრის განკარგულებით, საქართველოს კონსტიტუციის მე-80 მუხლის მე-2 პუნქტის შესაბამისად, პრემიერ-მინისტრის თანამდებობაზე წამოყენებულ იქნა საქართველოს 2016 წლის საპარლამენტო არჩევნებში საუკეთესო შედეგის მქონე საარჩევნო სუბიექტის – მოქალაქეთა პოლიტიკური გაერთიანების „ქართული ოცნება – დემოკრატიული საქართველოს“ მიერ წარმოდგენილი გიორგი კვირიკაშვილის კანდიდატურა“, – ნათქვამია პრეზიდენტის განკარგულებაში.
კომენტარები