თამარ ჩუგოშვილი მთავრობის დროულად დამტკიცების მნიშვნელობაზე საუბრობს. არ არის გამორიცხული, კანონმდებლებმა ამ თემაზე ხვალ მეცხრე მოწვევის პარლამენტის ბიუროს პირველ სხდომაზეც იმსჯელონ.
„მთავრობისთვის ნდობის გამოცხადების პროცედურები დაიწყება. პირველ რიგში კომიტეტები ჩაატარებენ პირველ საორგანიზაციო სხდომებს, სადაც უნდა აირჩიონ მოადგილეები და დამტკიცდეს კომიტეტის დებულებები. ყველას ინტერესშია, რომ რაც შეიძლება სწრაფად მოხდეს მთავრობის დამტკიცება, რომ მთავრობას შეეძლოს თავისი საქმიანობის ეფექტურად განხორციელება და ხელი არ შეეშალოს, თუმცა მეორეს მხრივ, ასევე ძალიან მნიშვნელოვანია, რომ კომიტეტებზე და უმრავლესობასთან და უმცირესობასთან შეხვედრებზე პარლამენტის წარმომადგენლებს ჰქონდეთ შესაძლებლობა, რომ დეტალურად განიხილონ პროგრამა, დასვან კითხვები და მიიღონ პასუხები,“ – განაცხადა თამარ ჩუგოშვილმა.