ფრანკ-ვალტერ შტაინმაიერი გერმანიის პრეზიდენტად მეორე ვადით აირჩიეს. ამის შესახებ Deutsche Welle წერს.
გამოცემის ინფორმაციით, მის კანდიდატურას მხარი ფედერალური კრების წევრების უმეტესობამ დაუჭირა მხარი. კერძოდ, მას ხმა კრების 1425 წევრიდან 1045-მა მისცა, 86-მა კი თავი შეიკავა. 66 წლის შტაინმაიერს მხარი სამთავრობო კოალიციაში შემავალმა ყველა მსხვილმა პოლიტიკურმა ძალამ დაუჭირა.
შტაინმაიერის გარდა პრეზიდენტობის კანდიდატები იყვნენ: ექიმი გერჰარდ ტრაბერტი („მემარცხენეები“), ეკონომისტი მაქს ოტე („ალტერნატივა გერმანიისთვის“) და ასტროფიზიკოსი შტეფანი გებაუერი („თავისუფალი ამომრჩევლები“).
გერმანიაში პრეზიდენტს ფედერალური კრება ირჩევს, რომელიც ბუნდესტაგის და ბუნდესრატის წევრისგან შედგება. პირველად ფრანკ-ვალტერ შტაინმაიერი პრეზიდენტად 2017 წელს აირჩიეს.
კომენტარები