საქართველოს პრეზიდენტი თურქმენეთში გაერო-ს ეგიდით ორგანიზებულ მდგრადი ტრანსპორტის გლობალურ კონფერენციაში მიიღებს მონაწილეობას.
კონფერენცია 26 ნოემბერს აშხაბადში, თურქმენეთის პრეზიდენტის ინიციატივითა და გაერო-ს ეგიდით იმართება.
საქართველოს პრეზიდენტის ადმინისტრაციის ინფორმაციით, თურქმენეთის დედაქალაქში დაგეგმილ უმაღლესი დონის კონფერენციას დაესწრება 80-ზე მეტი საერთაშორისო დელეგაცია, მათ შორის – სხვადასხვა ქვეყნის ლიდერები და საერთაშორისო ორგანიზაციების ხელმძღვანელები, გაერო-ს გენერალური მდივანი ბან კი მუნი და ეუთო-ს გენერალური მდივანი ლამბერტო ზანიერი.
კონფერენციის ფარგლებში დაგეგმილია გიორგი მარგველაშვილის სიტყვით გამოსვლა.
საქართველოს პრეზიდენტი აშხაბადში გაერო-ს გენერალურ მდივანთან, ასევე თურქმენეთისა და ავღანეთის პრეზიდენტებთან შეხვედრებს გამართავს.
გიორგი მარგველაშვილი აშხაბადში გაერო-ს გენერალურ მდივანს, თურქმენეთისა და ავღანეთის პრეზიდენტებს შეხვდება