პრემიერ-მინისტრობის კანდიდატმა გიორგი კვირიკაშვილმა პარლამენტში, ფრაქცია ”საქართველოს პატრიოტებს” საქართველოს მთავრობის რეფორმების ოთპუნქტიანი გეგმა გააცნო.
კვირიკაშვილის თქმით, 1 იანვრიდან რეინვესტირებული მოგება აღარ დაიბეგრება და ასეულობით მილიონი ლარი მიმართული იქნება მოსახლეობის დასაქმების მიმართულებით და ახალი სამუშაო ადგილების მიმართულებით. პრემიერობის კანდიდატმა ასევე სტარტაფების დაფინანსებაზეც ისაუბრა.
გიორგი კვირიკაშვილის თქმით, გატარდება რეფორმები, რომლითაც მომავალში პენსიონერები იქნებიან უფრო კარგად უზრუნველყოფილი.
კვირიკაშვილმა ჯანდაცვის რეფორმაზეც ისაუბრა და აღნიშნა, რომ საყოველთაო ჯანდაცვის სისტემა შენარჩუნებული იქნება მომავალშიც.
პრემიერობის კანდიდატის თქმით, საფუძველი ჩაეყრება ონკოლოგიური დაავადებების მკურნალობის თანამედროვე მეთოდებს.
პრემიერმა ასევე მმართველობის რეფორმაზე გაამახვილა ყურადღება. კვირიკაშვილი ფრაქცია ”საქართველოს პატრიოტების” დეპუტატებს მინისტრთა კაბინეტის მომავალ წევრებთან ერთად ხვდება.