თქვენ ალბათ არ გნებავთ დაინახოთ, თუ რა თანხებს იხდის ბიძინა ივანიშვილი ჯიბიდან ქვეყნის განვითარებისთვის, ანუ ფონდი „ქართუს“ მეშვეობით, – ამის შესახებ საქართველოს პრემიერ-მინისტრობის კანდიდატმა გიორგი კვირიკაშვილმა ”ნაციონალურ მოძრაობასთან” შეხვედრისას განაცხადა.
„მოგიწოდებთ, რომ მოიკითხოთ ინფორმაცია, თუ რა ხდება „ქართუ“ ფონდის საქმიანობის მიმართულებით. რა პროექტებს აფინანსებენ, როგორც კულტურული მემკვიდრეობის, ასევე უნივერსიტეტის მშენებლობის და ასე შემდეგ.
არ არის ჩემი საქმე, რომ ამ დეტალებში წავიდე, მაგრამ დამერწმუნებით, რომ თქვენც კი შეიძლება, გაკვირებული დარჩეთ. მაგრამ ვაი, რომ მგონია, იცით ეს ყველაფერი და მაინც თეთრზე გნებავთ, რომ შავი თქვათ. რა ვქნათ, ეს თქვენი ნებაა, თქვენი ფუნქცია ეგ არის, ოპოზიციის და თქვენ, რა თქმა უნდა, ამის სრული უფლება გაქვთ“,-განაცხადა გიორგი კვირიკაშვილი.