ამის ენით აღწერა შეუძლებელია. რუსეთი არის ქვეყანა, რომელიც უდანაშაულო ხალხის მკვლელობით იღებს სიამოვნებას, – ამის შესახებ პარლამენტის ვიცე-სპიკერმა ლევან იოსელიანმა უკრაინაში ვიზისას „ქრონიკასთან“ განაცხადა.
„სხვა ვერაფერს ვერ ვხედავ. ბავშვებს, ქალებს, რომლებიც თავს აფარებდნენ, ხელებშეკრული დახოცეს და ჩაყარეს სამარხებში. აი, ეს არის, რაც ხდება აქ“, – განაცხადა იოსელიანმა.
საქართველოს პარლამენტის თავმჯდომარის დელეგაციაში, ვიცე-სპიკერები არჩილ თალაკვაძე, დავით სერგეენკო, ლევან იოსელიანი, საპარლამენტო უმრავლესობის წევრი, ბექა ოდიშარია, ასევე სხვადასხვა პოლიტიკური ჯგუფების დეპუტატები: ანა ნაცვლიშვილი, ვახტანგ მეგრელიშვილი, ხათუნა სამნიძე და გიორგი ხოჯევანიშვილი შედიან. დელეგაცია უკრაინაში 15 აპრილს გაემგზავრა.
კომენტარები