“ამას თავად ნაცებიც ხვდებიან, ამიტომ არიან გატრუნულები და ჩაპამპერსებულები”

ჯერ ეგონა, რომ უკრაინაში სააკაშვილთან ერთად იმყოფებოდა და ამაყობდა, რომ ამ ქვეყანას საქართველოდან ორი პრეზიდენტის ერთდროული ვიზიტი ჯერ არ დაუმშვენებია – ასე ეხმიანება ექსპერტი დავით ქართველიშვილი ყოფილი პრეზიდენტის, გიორგი მარგველაშვილის “ნაციონალურ მოძრაობასთან” ერთად კიევში ჩასვლას.

“ჩემს პირად კრიტიკოსებს მინდა მივმართო – შალვა პაპუაშვილის ვიზიტს უკრაინაში ჰქონდა ძალიან მნიშვნელოვანი შედეგიც და ეფექტიც. ნაცების მძევლობიდან უკრაინის ერთ-ერთი სახელისუფლებო შტოს განთავისუფლების ტოლფასი – და ამას თავად ნაცებიც ხვდებიან. ამიტომ არიან გატრუნულები და ჩაპამპერსებულები.
ამ ვიზიტის წარმატების ფონზე, სრულ კოშმარად და სიურეალიზმად მეჩვენება მარგველაშვილის თითოეული გამოჩენა ნაცმედიის ეკრანებზე იმავე უკრაინიდან. ორ რამეში ნამდვილად ვრწმუნდები:

1) სტუდენტური ასაკის შემდგომ – ლუდისა და არყის “სინერგიაზე” უარი უნდა თქვას რეპროდუქციული ასაკის მამაკაცმა და 2) პოსტ- რეპროდუქციულ ასაკში – არყისა და მარიჰუანას ერთდროულ მოხმარებაზე.
ჯერ ეგონა, რომ უკრაინაში სააკაშვილთან ერთად იმყოფებოდა და ამაყობდა, რომ ამ ქვეყანას საქართველოდან ორი პრეზიდენტის ერთდროული ვიზიტი ჯერ არ დაუმშვენებია. მერე იმითაც გაგვახარა, რომ სააკაშვილის საკანთან “სპეცკავშირით” მუდმივი საპრეზიდენტო/სატელეფონო კომუნიკაცია ჰქონია თურმე. არ ვიცი, რა გვჭირს, მაგრამ ბოლო წლებში ქვეყნის ყველაზე სამარცხვინო ნომინაციაში მაინცდამაინც “პრეზიდენტი” რატომ არის წარდგენილი – ამოუხსნელი ამოცანაა.
ასე რომ, მაინც მიხარია – უკრაინასთან ურთიერთობების დალაგებას კიდევ ერთი შანსი მიეცა. ჩვენი პოლიტიკური ჯანბაზების პარალელურ ვიზიტსაც, ფერადი ფოტოსურათის ნეგატივის მსგავსად, თავისი დანიშნულება ჰქონდა. წარუმატებელი აკერმან-შოუს შემდეგ, მარგველაანთ “ჰაი ჟივე”-ს ვიზიტმაც ნაცსექტა ისეთ გაუგებრობაში ჩააგდო, რომ ნიკა გვარამიას სხვა “ლოგიკური” პიარ-სვლა აღარ დარჩენია – რომ კელი დეგნანისთვის ლამის “დედა ეგინებინა”. არა…ღირდა ჩასვლა – ნაღდად ღირდა!”, – წერს დავით ქართველიშვილი.