24 აპრილს ლანჩხუთის მუნიციპალიტეტის სოფელ შუხუთში, ტრადიციული ლელობურთის დასრულების შემდეგ, ზემო შუხუთის მკვიდრი შუახნის მამაკაცი გარდაიცვალა. ამის შესახებ „Guria Now“ იუწყება. გავრცელებული ინფორმაციით, „ა. მგელაძე, რომელიც ლელობურთის თამაშს ესწრებოდა, სახლში მისვლის შემდეგ შეუძლოდ გახდა და გარდაიცვალა“.
“გურია ნიუსი” ახლობლებზე დაყრდნობით წერს, რომ გარდაცვლილი უშუალოდ თამაშში მონაწილეობდა, შინ დაბრუნებულმა თავი შეუძლოდ იგრძნო და სასწრაფო დახმარების მანქანით კლინიკა “მედალფაში” გადაიყვანეს, მაგრამ მისი გადარჩენა ექიმებმა ვერ შეძლეს.
ამავე წყაროს ცნობით, ლელობურთის თამაშის დროს, 24 აპრილს, კიდევ ერთი მამაკაცი დაშავდა და კლინიკაში გადაყვანაც დასჭირდა. პაციენტის მდგომარეობა არ გართულებულა.
კომენტარები