ე.წ. კასრების საქმეზე დაკავებული თემურ უბირიას ოჯახს თავს დაესხნენ. ინფორმაციას, ტელეკომპანია “იბერია” ავრცელებს.
დაკავებულის დედა ამბობს, რომ მათ დაუდგენელმა პირმა საცხოვრებელი სახლის ფანჯრები ჩაუმტვრია. ინციდენტის დროს სახლში მხოლოდ ბრალდებულის დედა მანონი ჩხეტია იმყოფებოდა, რომელიც ზეწოლაზე საუბრობს. მისი თქმით, ოჯახის მისამართით სიტყვიერი ზეწოლა ხშირად ხორციელდება.
ჩხეტიას განცხადებით ზეწოლის ფაქტებთან კავშირშია სახელმწიფო დაცვის სპეციალური სამსახურის ყოფილი ხელმძღვანელი თემურ ჯანაშია.
სახელმწიფო დაცვის სამსახურის ყოფილი უფროსი თემურ ჯანაშია ბრალდებებს აბსურდულს უწოდებს და აცხადებს რომ უბირიას არ იცნობს და მასთან საქმე არასდროს ჰქონია.
კომენტარები