ილონ მასკი ეთანხმება დონალდ ტრამპის მოსაზრებას, რომ უკრაინას ახალი ლიდერი უნდა ჰყავდეს და აცხადებს, რომ ვოლოდიმირ ზელენსკიმ ზღვარს გადააჭარბა. მასკმა გამოაქვეყნა კომენტარი აშშ-ის პრეზიდენტის, დონალდ ტრამპის განცხადების ქვეშ, რომ დროა, უკრაინამ პრეზიდენტი შეცვალოს.
„ვეთანხმები, დროა, უკრაინამ შეცვალოს თავისი ლიდერი“, – დაწერა მასკმა.
მასკმა ასევე კომენტარი გააკეთა გამოქვეყნებულ ვიდეოზე, სადაც ტრამპი აკრიტიკებს უკრაინას, რომ უნდა შეწყვიტოს რუსეთის ნავთობგადამამუშავებელ ქარხნებზე თავდასხმა.
„ჩვენ ვუთხარით ზელენსკის: „გააკეთე, რაც გინდა, რუსეთთან, მაგრამ ნუ დაარტყამ ნავთობგადამამუშავებელ ქარხნებს, ეს გლობალური პრობლემაა“. და რას აკეთებს ის? მიდის და ურტყამს დიზელის საწვავის წარმოების ობიექტებს. მისთვის ძალიან მნიშვნელოვანია, რომ შეჩერდეს“, – ნათქვამია ვიდეოში.
მასკმა აღნიშნული ვიდეოს პასუხად დაწერა, რომ „ზელენსკი ძალიან შორს წავიდა“.