პოლონეთის პრეზიდენტი, ანდჟეი დუდა მიიჩნევს, რომ თუ რუსეთი უკრაინის წინააღმდეგ ტაქტიკურ ბირთვულ იარაღს გამოიყენებს, მოსკოვი შეერთებული შტატებისგან პასუხსა და ცივილიზებული სამყაროსგან გარიყვას უნდა ელოდოს.
„აშშ დიდი ბირთვული სახელმწიფოა, უდიდესი სამხედრო სახელმწიფო მსოფლიოში და ის, რომ აშშ სერიოზულად უყურებს რუსეთის [ბირთვულ] მუქარას, ასევე საფრთხეს წატმოადგენს რუსეთისთვის. თუ რუსეთი ყველა ტაბუს დაარღვევს სახელმწიფოს მიმართ, რომელსაც არ გააჩნია ბირთვული იარაღი და დღეს იცავს თავის ტერიტორიას მხოლოდ ჩვეულებრივი იარაღის გამოყენებით, თუ ამ სახელმწიფოს წინააღმდეგ ტაქტიკურ ბირთვულ იარაღს გამოიყენებენ, რუსეთი პასუხს უნდა ელოდოს“, – აღნიშნა პოლონეთის პრეზიდენტმა.
კომენტარები