ხელი მოეწერა ძალიან დიდ შეთანხმებას მსოფლიოში ყველაზე გრძელი წყალქვეშა ელექტრო გადამცემი ხაზის მშენებლობის შესახებ, რითიც ხდება უნგრეთის, რუმინეთის, საქართველოსა და აზერბაიჯანის დაკავშირება -ამის შესახებ უნგრეთის პრემიერ-მინისტრი ვიქტორ ორბანი სოციალურ ქსელ „ტვიტერში“ წერს.
ვიქტორ ორბანის თქმით, დაკავშირებადობა ენერგო კრიზისიდან გამოსავალია.
„გამიჯვნის საპირისპიროდ, დაკავშირებადობა ენერგო კრიზისიდან გამოსავალია. დღეს ხელი მოეწერა ძალიან დიდ შეთანხმებას აზერბაიჯანის რესპუბლიკის პრეზიდენტთან ილჰამ ალიევთან, საქართველოს პრემიერ-მინისტრთან ირაკლი ღარიბაშვილთან, რუმინეთის პრეზიდენტთან კლაუს იოჰანისთან და ევროკომისიის პრეზიდენტთან ურსულა ფონ დერ ლეიენთან მსოფლიოში ყველაზე გრძელი წყალქვეშა ელექტრო გადამცემი ხაზის მშენებლობის შესახებ, რითიც ხდება უნგრეთის, რუმინეთის, საქართველოსა და აზერბაიჯანის დაკავშირება“,– წერს ვიქტორ ორბანი.
Instead of #decoupling, #connectivity is the way out of the energy crisis. We signed a huge deal today with @presidentaz, @GharibashviliGe, @KlausIohannis and @vonderleyen to build the longest underwater electricity transmission line in the world, connecting 🇭🇺🇷🇴🇬🇪🇦🇿 pic.twitter.com/YLlSFpnUrh
— Orbán Viktor (@PM_ViktorOrban) December 17, 2022