12 პუნქტი იწყება რით – პოლარიზაციის დაძლევა. ამ პროცესს ორი მხარე უნდა ჰყავდეს – ხელისუფლება და ოპოზიცია. როცა, ხელისუფლება დგამს ნაბიჯებს პოლარიზაციის შემცირებისკენ, იქიდან [ოპოზიცია] მოდის მუდმივი მუქარა, მოწოდებები დამხობისკენ, – ამის შესახებ საპარლამენტო უმრავლესობის წევრმა, გია ცაგარეიშვილმა ჟურნალისტებთან განაცხადა.
„აქვთ ზიზღი, აქვთ მტრობა და ისე გვიყურებენ, როგორც ლენინი ბურჟუაზიას და გვიყურონ, და გააგრძელონ ასე ყურება. რას მიიღებენ, ნახავთ თქვენ“, – აღნიშნა ცაგარეიშვილმა.
დეპუტატები საგაზაფხულო სესიისთვის ემზადებიან. პირველი სხდომა 7 თებერვალს გაიმართება. დღის წესრიგშია ევროპული რეკომენდაციების შესრულების პროცესის დასრულება, „ხალხის ძალის“ მიერ ინიცირებულ კანონპროექტებზე მსჯელობა და სახელმწიფო უწყებების ანგარიშების განხილვა. ამ ფონზე ოპოზიციის ნაწილი კვლავ ქუჩის აქციების ემზადება. საპროტესტო გამოსვლები უკვე დააანონსა „სტრატეგია აღმაშენებელმა“.