ადამიანები ქუჩაში გაიყვანეს, დააჯერეს, რომ ეს არის რუსული კანონი და აღმოჩნდა, რომ ამ კანონზე დღეს ევროკავშირი საუბრობს, – ამის შესახებ პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ „ქრონიკაში“ განაცხადა. მისი თქმით, ოპოზიციამ კანონპროექტთან დაკავშირებით უამრავი მითი შეთხზა.
„მოსახლეობას ატყუებენ, როდესაც ეუბნებიან, რომ „ფარა“ ნიშნავს მხოლოდ მტრული სახელმწიფოების იქ შეყვანას. მაგალითად უკრაინის ხელისუფლება, საფრანგეთის ერთ-ერთი სააგენტო, იაპონიის საელჩო, დიდი ბრიტანეთის საელჩო „ფარა“- ში არიან რეგისტრირებული, მტრები არიან ამერიკის?! ერთ-ერთი მითი, რომლითაც შეთხზეს ამბავი, რომ თითქოს ეს კანონპროექტი არ არის ამერიკული მოდელი, დააჯერეს რომ თითქოს მტრულ სახელმწიფოებს უპირისპირდება. ატყუებდნენ საზოგადოებას მაშინ, როდესაც ეუბნებოდნენ რომ თითქოს ამერიკაში მხოლოდ მტრული სახელმწიფოების დაწესებულებები შეჰყავთ და „ფარაში“ არეგისტრირებენო“, – აღნიშნა მიხეილ სარჯველაძემ.