ჩვენ ვესაუბრეთ სახელმწიფო მდივანს იმ შესაძლებლობების შესახებ, რომელიც არსებობს საქართველოში ენერგეტიკის სექტორში. მოვიწვიეთ მათი ქვეყნიდან ინვესტორები და მომავალში გავაგრძელებთ ამ მიმართულებით მუშაობას, რათა რაც შეიძლება მეტი უცხოური ინვესტიცია იყოს საქართველოში და ჩვენმა ქვეყანამ განახლებადი ენერგიების მიმართულებით შეძლოს თავისი მნიშვნელოვანი კონტრიბუციის შეტანა ევროპის ენერგოუსაფრთხოებაში, – ამის შესახებ „ქრონიკის“ ეთერში საგარეო საქმეთა მინისტრმა, ილია დარჩიაშვილმა განაცხადა.
„რაც შეეხება ჩვენს თანამშრომლობას ენერგოუსაფრთხოების მიმართულებით, პირველ რიგში, დღევანდელ მოცემულობაში საქართველოს და ზოგადად ჩვენს რეგიონს აქვს განსაკუთრებული როლი და მნიშვნელობა, რომ ჩვენი წვლილი შევიტანოთ ევროპის ენერგოუსაფრთხოების განმტკიცებაში. ჩვენ ვესაუბრეთ სახელმწიფო მდივანს იმ შესაძლებლობების შესახებ, რომელიც არსებობს საქართველოში ენერგეტიკის სექტორში. მოვიწვიეთ მათი ქვეყნიდან ინვესტორები და მომავალში გავაგრძელებთ ამ მიმართულებით მუშაობას, რათა რაც შეიძლება მეტი უცხოური ინვესტიცია იყოს საქართველოში და ჩვენმა ქვეყანამ განახლებადი ენერგიების მიმართულებით შეძლოს თავისი მნიშვნელოვანი კონტრიბუციის შეტანა ევროპის ენერგოუსაფრთხოებაში. „უორდროპის დიალოგი“ არის მთავარი ფორმატი ჩვენს ორ ქვეყანას შორის არსებულ ურთიერთობებში. იანვარში ოფიციალური ვიზიტით გახლდით ლონდონში, სადაც „უორდროპის დიალოგის“ მორიგი რაუნდი გაიმართა. ეს არის ფორმატი მოიცავს მრავალ წახნაგს, არაერთი სახელმწიფო უწყებაა ჩართული და ეს პლატფორმა მოიცავს ძალიან ბევრ მიმართულებას. ამ პლატფორმის ფარგლებში ჩვენ განვიხილავთ ყველა მნიშვნელოვან საკითხს, როგორც მოკლევადიან, ისევე გრძელვადიან პერსპექტივაში. წელს ჩავატარეთ მერვე რაუნდი და უკვე მომავალ წელს ვუმასპინძლებთ გაერთიანებული სამეფოს დელეგაციას და საქართველოში ჩავატარებთ მორიგ რაუნდს“, – აცხადებს ილია დარჩიაშვილი.