ბათუმში ავტოსაგზაო შემთხვევის შედეგად ერთი ადამიანი მძიმედ დაშავდა. იგი ბათუმის რეფერალურ საავადმყოფოში სასწრაფო-სამედიცინო ბრიგადების თანამშრომლებმა გადაიყვანეს.
ექიმების ინფორმაციით, დაშავებულს ზედა კიდურებზე და თავის არეში ტრავმები აღენიშნება.
არსებული ინფორმაციით, ერთმანეთს სამი ავტომობილი შეეჯახა. შემთხვევის ადგილზე სამაშველო და საპატრულო პოლიციის თანამშრომლები იმყოფებოდნენ.
შსს-ს პრესსამსახურის ცნობით, მომხდართან დაკავშირებით გამოძიება 276-ე მუხლის პირველი ნაწილით დაიწყო.
კომენტარები