„ბავშვთა სამყაროს“ მოვაჭრეები მთავრობას ულტიმატუმს უყენებენ და 13:00 საათამდე აძლევენ ვადას, რომ შენობაში შეუშვან და კუთვნილი ნივთების გამოტანის უფლება მისცენ. „ულტიმატუმს ვუყენებთ მთავრობას და ვადას ვაძლევთ 13:00 საათამდე, რომ შეგვიშვან შენობაში და მოგვცენ უფლება, გავიტანოთ ჩვენი ნივთები. საშუალება იყო და ამ მომენტშიც არის, რომ შეგვიშვან და იქიდან ნელ-ნელა მოგვაწოდონ ნივთები. რას გავაკეთებთ ვადის ამოწურვის შემდეგ, ეს იქნება სიურპრიზი მთავრობისთვის“, – განაცხადა ერთ-ერთმა გარემოვაჭრემ.
წინააღმდეგ შემთხვევაში, როგორც მოვაჭრეებმა ჟურნალისტებს განუცხადეს, ისინი პროტესტის სხვადასხვა ფორმას მიმართავენ, თუმცა კონკრეტულად რა ფორმას, ეს, მათი თქმით, „მთავრობისთვის სიურპრიზი იქნება“.
კომენტარები
