მთაწმინდის ნაწილს დღეს გაზმომარაგება შეუწყდა

მთაწმინდის რაიონის ნაწილს, დღეს გაზმომარაგება ავარიულად შეუწყდა, – ამის შესახებ “ყაზტრანსგაზ-თბილისი” იტყობინება.
მათივე ინფორმაციით, დღეს, 31 იანვარს, 12:00 საათზე გაზმომარაგება ავარიულად შეუწყდა მთაწმინდის რაიონში, ბოტანიკურის, ირგვლივის, ორპირის, სამღებროს, აბანოს, საადის ქუჩის, გორგასლის ქუჩა №1, №3, გორგასლის I შესახვევის კერძო სექტორის მოსახლეობის ნაწილს და აღნიშნულ ტერიტორიაზე განთავსებულ მცირე კომერციულ ობიექტებს.
გაზის მიწოდება აღდგება ეტაპობრივად სამუშაოების დასრულებისთანავე.
”შპს “ყაზტრანსგაზ-თბილისი” ბოდიშს უხდის თავის აბონენტებს დისკომფორტისთვის და მოუწოდებს მათ არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში. მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს “ყაზტრანსგაზ-თბილისი” პასუხისმგებელი არ არის”, – აცხადებენ კომპანიაში.