“მთავარმა პროკურორმა მის უწმინდესობას და სინოდის წევრებს გააცნო ფაქტობრივი მასალის მცირე ნაწილი”

მთავარმა პროკურორმა მის უწმინდესობას და სინოდის წევრებს გააცნო ფაქტობრივი მასალის მცირე ნაწილი, რაც პროკურატურას აქვს, ამ ეტაპზე რაც მიზანშეწონილად ჩათვალეს, – ამის შესახებ პატრიარქის ფონდის ხელმძღვანელმა ლაშა ჟვანიამ „პალიტრანიუსის“ გადაცემაში „360 გრადუსი“ განაცხადა.
„რაც შეეხება ნდობის გამყარებას, პირველი გახლდათ ჩემი განცხადება, მას შემდეგ, რაც მთავარმა პროკურორმა ინფორმაცია ეთერში გადასცა და მაშინვე ვთქვი, რომ არის ნდობა. როდესაც გაკეთდა რამდენიმეგზის განცხადება, რომ არის ნდობა გამოძიების მიმართ, იქ ნდობის გამყარება-არ გამყარებაზე საუბარი არასწორია. ნდობა არის და წერტილი. იგი თავიდანვე იყო და შემდგომ კიდევ დაფიქსირდა მისი უწმინდესობის და მღვდელმთავრების განცხადებაში. ამიტომ ველოდებით გამოძიებისგან შესაბამის ქმდებებს და ინფორმაციას“, – განაცხადა ლაშა ჟვანიამ.