ოფიციალურ შეხვედრებზე სააკაშვილის საკითხი საერთოდ არ წამოჭრილა. მათთვის პოლიტიკური თვალსაზრისით სააკაშვილი საინტერესო არ არის, – ამის შესახებ პარტია „საქართველოსთვის“ წევრმა ანა ბუჩუკურმა განაცხადა.
„პირადად მე გუშინ დავბრუნდი ბრიუსელიდან და ბერლინიდან. საკმაოდ მაღალი პოლიტიკური თანამდებობის პირებთან არცერთ ასეთ ოფიციალურ შეხვედრაზე სააკაშვილის საკითხი საერთოდ არ წამოჭრილა. მათთვის პოლიტიკური თვალსაზრისით სააკაშვილი საინტერესო არ არის. რაც შეეხება კონკრეტულად ფოტიგას ინიციატივას, არაა ეს დაფარული, რომ მას პერსონალური მეგობრობა აკავშირებს სააკაშვილთან და გასაგებია, რომ ჰუმანიტარული თვალსაზრისით დახმარებას ცდილობს“, – აღნიშნა ბუჩუკურმა.
ევროპარლამენტში ორი რეზოლუცია მიიღეს, რომლებშიც საქართველოს ტერიტორიული მთლიანობისა და სუვერენიტეტის მხარდამჭერი განცხადებები შევიდა.
ევროპარტლამენტარი ანა ფოტიგა აცხადებს, რომ რეზოლუციაში მისი მოთხოვნით შევიდა შესწორება, რომელიც მოუწოდებს სალომე ზურაბიშვილს, მიხეილ სააკაშვილი შეიწყალოს.