ცხინვალის საოკუპაციო რეჟიმის მიერ გათავისუფლებულ ამირან გუგუტიშვილს, რომელიც რამდენიმე დღის წინ დააკავეს, სხეულზე ცემის კვალი აღენიშნება.
როგორც ექიმები ამბობენ, პაციენტმა მათ ინფორმაცია მიაწოდა, რომ დაკავების შემდეგ, ოკუპირებული ცხინვალის იზოლატორში მას ფიზიკურად გაუსწორდნენ.
ამირან გუგუტიშვილი გორის სამედიცინო ცენტრ „გორმედში” გადაიყვანეს. ექიმების თქმით, პაციენტს ტვინის შერყევა აქვს, სხეულზე სხვადასხვა სახის დაზიანება აღენიშნება, თუმცა მის სიცოცხლეს საფრთხე არ ემუქრება.
კომენტარები