“ბოლო წლების განმავლობაში ქვეყანაში ეკონომიკური ზრდა საკმაოდ მაღალი იყო და ზრდის ტემპი მიმდინარე პერიოდშიც გრძელდება”

ბოლო წლების განმავლობაში ქვეყანაში ეკონომიკური ზრდა საკმაოდ მაღალი იყო და აღნიშნული ზრდის ტემპი მიმდინარე პერიოდშიც გრძელდება, – ამის შესახებ ფინანსთა მინისტრმა, ლაშა ხუციშვილმა მთავრობის სხდომის დასრულების შემდეგ განაცხადა.

მისი თქმით, მნიშვნელოვანია, ყველა ადამიანს შეეძლოს მონაწილეობის მიღება საქართველოს ეკონომიკის განვითარებაში.

„2021-2022 წლებში ორნიშნა ეკონომიკური ზრდა იყო. 2023 წელსაც დაფიქსირდა მაღალი ეკონომიკური ზრდა 7.5 პროცენტის ოდენობით. გასული ორი თვის განმავლობაში საქართველოში ეკონომიკურო ზრდა შეადგენს 7.7 პროცენტს, რაც ასევე მაღალი ეკონომიკური ზრდაა. 9 პროცენტზე მაღალი ეკონომიკური ზრდა დაფიქსირდა უშუალოდ თებერვლის თვეში, რაც ძალიან სასიხარულოა. მნიშვნელოვანია, ყველა ადამიანს შეეძლოს მაქსიმალურად მონაწილეობის მიღება საქართველოს ეკონომიკის განვითარებაში“, – განაცხადა ხუციშვილმა.