უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინამ შეიმუშავა ახალი კონტრშეტევის გეგმა.
„დიახ, ჩვენ გვაქვს კონტრშეტევის გეგმა. ჩვენ აუცილებლად გავიმარჯვებთ. ჩვენ არ გვაქვს ალტერნატივა. მაგრამ მე არ შემიძლია ამის დაპირება და თარიღის დასახელება“, – აღნიშნა ზელენსკიმ გერმანულ გამოცემა BILD-თან ინტერვიუში.
უკრაინის სახელმწიფოს მეთაურმა აღნიშნა, რომ ამ მიზნის მისაღწევად უკრაინელ სამხედროებს ესაჭიროებათ იარაღი, მათ შორის შეერთებული შტატებიდან.
„დიახ, რუსეთს მეტი ხალხი ჰყავს, მეტი იარაღი აქვს. მაგრამ გაერთიანებულ დასავლეთს აქვს თანამედროვე შეიარაღების სისტემები. ამიტომ, ჩვენ მივიღებთ გარკვეულ ტექნოლოგიებს. და თუ გავაგრძელებთ წარმოების გაზრდას, თუ მივიღებთ ლიცენზიებს ჩვენი პარტნიორებისგან, მაშინ ეს უკვე არა ხალხის რაოდენობას, არამედ იარაღის ხარისხს შეეხება“, – დასძინა მან.