პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, რატი იონათამიშვილი ევროპარლამენტის მიერ მიღებულ რეზოლუციას გამოეხმაურა და აღნიშნა, რომ აღნიშნულს არავითარი სამართლებრივი ფასი და მნიშვნელობა არ აქვს.
“ეს რეზოლუცია არის შეურაცხმყოფელი თითოეული ქართველისთვის, ვისაც ღირსება გააჩნია, ვინაიდან ითხოვენ სააკაშვილის გათავისუფლებას, უმნიშვნელოვანესი ინიციატივების გაწვევასა და ბიძინა ივანიშვილის დასანქცირებას. ამავდროულად ინიციატორების პასუხისმგებლობას არ ათავისუფლებს ის, რომ ამ პირველ ვარიანტში აფხაზეთი ცალკე სახელმწიფოდ იყო მოხსენიებული.
ჩვენ ევროპული სასამართლოებიდანაც ვიცით, რომ ამ ევროპარლამენტის რეზოლუციას არავითარი ფასი და მნიშვნელობა არ აქვს, მაგრამ ფაქტი არის ის, რომ დღეს ევროპის სირცხვილი არის ის ევროპარლამენტი, რომელიც მსგავს არაევროპულ გადაწყვეტილებებს იღებს”, – განაცხადა რატი იონათამიშვილმა.