ჩვენ გვყავს აგენტურული ოპოზიცია, რომელიც ტრაგედიების დროს გამოდის და ცდილობს, პოლიტიკური ქულები და დივიდენდები დაიწეროს,- განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარემ, რატი იონათამიშვილმა.
მისივე თქმით, ასეთი ქმედებების გამო, ფაქტობრივად, საზოგადოებამ მათ დიდი ხანია, აუკრძალა პოლიტიკაში ყოფნა.
„ნებისმიერი ჯანსაღი საზოგადოება ასეთი ტრაგედიების დროს ერთიანდება, ვინაიდან, სოლიდარობას სინამდვილეში, ძალიან დიდი ფასი აქვს, მაგრამ ჩვენ გვყავს აგენტურული ოპოზიცია, რომელიც ტრაგედიების დროს გამოდის და ცდილობს, პოლიტიკური ქულები და დივიდენდები დაიწეროს. ერთი მხრივ, ეს აჩვენებს მათ ამორალურობას, რა დონეზე შეიძლება, დაეცნენ და მეორე – როგორც ჩანს, ჭკუასაც ვერ სწავლობენ, ვინაიდან ასეთი ქმედებების გამო, ფაქტობრივად, საზოგადოებამ მათ დიდი ხანია, აუკრძალა პოლიტიკაში ყოფნა და რადგან არ შეუძლიათ აქედან სწორი დასკვნების გამოტანა, რა თქმა უნდა, საზოგადოება მათ კიდევ უფრო მტკივნეულ პასუხს გასცემს“, – განაცხადა იონათამიშვილმა.
