იუსტიციის მინისტრი თეა წულუკიანი პატრიარქის ინიციატივას გამოეხამურა, რომელიც უცხოეთში მყოფი ქართველებისთვის საქართველოს მოქალაქეობის მინიჭების გაადვილების ინიციატივას ეხება.
„იუსტიციის სამინისტროს და საქართველოს პრეზიდენტის ხელშეწყობით, ფაქტობრივად ავტომატურად ხდება ხოლმე მეორე მოქალაქეობის, ანუ საქართველოს მოქალაქეობის მინიჭება. პრაქტიკაში ჩვენ თითქმის არ გვაქვს პრობლემები, თუ საჭიროა ამ პრაქტიკის ხელშესაწყობად კანონის ლიბერალიზაცია, ეს ვერ მოხდება კონსტიტუციის ცვლილების გარეშე, რისთვისაც „ქართულ ოცნებას“ დღეს საკმარისი ხმები არ აქვს პარლამენტში. ამიტომაც, დღემდე, ქართული ოცნების მთავრობა პრაქტიკაზე ვაკეთებთ აქცენტს და ჩვენს ქართველებს, რომლებიც სიდუხჭირის თუ ბედის უკუღმართობის გამო საზღვარგარეთ აღმოჩნდა, კიდევ ერთხელ ხაზს ვუსვამ, პრაქტიკულად ავტომატურად, იუსტიციის სამინისტრო, სახელმწიფო უსაფრთხოების სამსახურის ჩართულობით და საქართველოს პრეზიდენტის ხელშეწყობით ვანიჭებთ, საკმაოდ მარტივად, საქართველოს მოქალაქეობას“, – აღნიშნა თეა წულუკიანმა.