უკრაინის შეიარაღებულმა ძალებმა გასულ ღამეს რუსეთის ბრიანსკის, კრასნოდარის, კალუგის, ტვერის, ბელგოროდის, სმოლენსკის და კურსკის ოლქებს უპილოტო საფრენი აპარატებით შეუტია. ინფორმაციას რუსეთის თავდაცვის სამინისტრო ავრცელებს.
უკრაინელებმა აგრეთვე დაბომბეს ყირიმი და აზოვის ზღვის აკვატორია. რუსეთის თავდაცვის სამინისტროს ცნობით, მათმა ჰაერსაწინააღმდეგო სისტემამ 101 უპილოტო საფრენი აპარატი ჩამოაგდო.
53 უპილოტო საფრენი აპარატი რუსებმა ბრიანსკის ოლქში გაანადგურეს, 18 – კრასნოდარის მხარეში, 5 – კალუგის ოლქის ტერიტორიაზე, სამ-სამი – ტვერისა და ბელგოროდის ოლქებში, ხოლო თითო უპილოტო საფრენი აპარატი – სმოლენსკის, კურსკის ოლქებში და ყირიმში. 16 უპილოტო საფრენი აპარატი აზოვის ზღვის აკვატორიაში ჩამოაგდეს.
კომენტარები