ბაქოში მიმდინარე ძიუდოს მსოფლიო ჩემპიონატის დასკვნით დღეს შერეული გუნდური ასპარეზობების მერვედფინალში მოქმედმა მსოფლიო ჩემპიონმა, საქართველოს ნაკრებმა მერვედფინალში იტალიის ეროვნული გუნდი 4:1 დაამარცხა.
ჩვენი ნაკრებიდან გამარჯვებები მძიმეწონოსანმა ირაკლი დემეტრაშვილმა, ეთერ ლიპარტელიანმა (57 კგ), გიორგი ლოლაძემ (73 კგ) და ლუკა მაისურაძემ (90 კგ) მოიპოვეს.
ნახევარფინალში გადასასვლელად საქართველოს მეტოქე უზბეკეთის ან გერმანიის გუნდი იქნება.
მსოფლიო პირველობაზე ინდივიდუალურ ასპარეზობებში საქართველოს ნაკრებმა გამოსვლა ოთხი მედლით დაასრულა: ტატო გრიგალაშვილი (81 კგ) და ილია სულამანიძე მსოფლიო ჩემპიონები გახდნენ, ეთერ ლიპარტელიანმა (57 კგ) – ვერცხლის, ხოლო გიორგი სარდალაშვილმა (60 კგ) ბრინჯაოს მედალი მოიპოვა და საერთო გუნდურ ჩათვლაში იაპონიის შემდეგ მეორე ადგილზე გავიდა.