ვაშინგტონის შტატის გუბერნატორმა ჯეი ინსლიმ განაცხადა, რომ ეროვნული გვარდიის ნაწილი მზადყოფნაში მოიყვანა 2024 წლის 5 ნოემბერს გასამართ საპრეზიდენტო არჩევნებზე მოსალოდნელი ძალადობის გამო. ინფორმაციას Reuters-ი ავრცელებს.
„2024 წელს გასამართ საყოველთაო არჩევნებზე შესაძლო ძალადობისა და სხვა უკანონო ქმედებების შესახებ საჯარო და კონკრეტულ ინფორმაციაზე დაყრდნობით, მინდა გითხრათ, რომ ჩვენ სრულად მზად ვართ რეაგირებისთვის“, – ციტირებს სააგენტო ვაშინგტონის გუბერნატორს.
როგორც Reuters-ი აღნიშნავს, ვაშინგტონში რამდენიმე დღის წინ ბიულეტენების ყუთის დაწვის რამდენიმე ფაქტი დაფიქსირდა. ინსლის თქმით, ქალაქ ვანკუვერში რამდენიმე ურნა აალებადი ნივთიერების გამოყენებით დაწვეს.
კომენტარები