საპარლამენტო უმრავლესობის ლიდერი, ფრაქცია „ქართული ოცნების“ თავმჯდომარე და პარტიის აღმასრულებელი მდივანი მამუკა მდინარაძე აქციის ორგანიზატორების დახურული ჯგუფიდან სქრინს ავრცელებს, სადაც ჯგუფის წევრები თავად ადასტურებენ მასთან მიწერილ ინფორმაციას.
“ამას რაღა ირონია გადაფარავს, ხომ არაფერი დადასტურდა შემთხვევით?”, – წერს იგი სოციალურ ქსელში.
მანამდე მამუკა მდინარაძემ აქციიდან მიღებული შეტყობინება გაასაჯაროვა.
„მამუკა, ცუდ რაღაცეებს ლაპარაკობენ აქეთ, მსხვერპლზე და ფრთხილად იყვნენ რა ძალიან თქვენები, გააფრთხილეთ რა ყველა. მე არსად არავინ მახსენოთ, მომკლავენ პირდაპირი გაგებით. ხო, მაგის გარდა დრონებით აპირებენ აალებადი საღებავების გადასხმას პოლიციელებზე, ეგეც შარია მაგარი მგონი, „სპიჩკაზე“ იხუვლოს შეიძლება, სიგარეტზე „ზაჟიგალკაზე“, ან მაშხალებზე, მიხედეთ რა მოკლედ, ფრთხილად რა“, – აღნიშნული იყო მესიჯში.