შალვა ხუციშვილი კორცხელის ინციდენტს ჟურნალისტებთან საუბარში აფასებს.
“კორცხელს ორი ნაწილი აქვს. ერთი, რამდენად ადეკვატურად მოქმედებდა პოლიცია. კორცხელთან დაკავშირებით არანაირი მოლოდინი არ იყო და შესაბამისად პოლიციის ძალები არ იყვნენ საკმარისი. სანამ მივიდა დამატებითი ძალები, მაგ დროს განვითარდა მოვლენები. მაგ დროს შევისწავლეთ შსს-ს მოსამსახურეების მხრიდან გადაცდომის ფაქტები და არ დადასტურდა.
რაც შეეხება კორცხელის საქმის გამოძიებას, ამ პირებს ბრალი წარდგენილი აქვთ და დანარჩენს დეტალურად ჩვენი კოლეგები, ვის კომპეტენციაშიც არის ეს საქმე, მოგახსენებენ. ჩვენთვის კორცხელი იყო მაგალითი და მან მოგვცა შესაძლებლობა, რომ 2016 წელს საარჩევნო პროცესი, რომელიც რამდენიმე ათას უბანზე ხორციელდებოდა, უზრუნველვყავით, რომ მშვიდობიან გარემოში ჩატარებულიყო, გარდა ერთეული შემთხვევებისა.”,- აღნიშნა ხუციშვილმა.