გუშინ ჩაუშვეს ერთი სულელური მესიჯი, რაც ყველას მიერ გამეორდა შემდეგ. სამართლებრივად ვიღაც ჭკვიანი ტოპ ტვინი იურისტი გამოჩნდა ამ შემთხვევაში და თქვა, რომ დიახ გვქონდა პიროტექნიკა, მაგრამ ეს არ იყო დანაშაული, – განაცხადა „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა, მამუკა მდინარაძემ.
„სახლში შეიძლება გქონდეს მაკრატელი ან დანა და საერთოდ არა არის ეს დანაშაული, მაგრამ იმ დანით ან მაკრატლით თუ ვინმეს გაეკიდები იქნება თავდასხმა. კითხვარ, რომ გისვამენ რატომ გქონდა ეს პიროტექნიკა, რომ თავს ესხმოდი შემდეგ პოლიციელებს ამით.იმ პიროტექნიკით თავდასხმა დანაშაულის იარაღი ამ შემთხვევაში, სახლში თუ გექნება და ახალ წელს ჰაერში გაისვრი ის გართობის იარაღი იქნება.
უნდა მიხვდნენ, რომ ასეთი სულელური მესიჯებით თავდაცვა არ არის სწორი, ვერ გაიმართლებენ თავს და შესაბამისი სამართლებრივი რეაგირება ექნება ამ ყველაფერს.
აღმოჩნდა, რომ მათი ოფისებიდან იმართებოდა პროცესი და მარაგდებოდა ამ სხვადასხვა ნივთიერებებით. ცალკე აღებული იმ ნივთიერებების ქონა სახლში შეიძლება არც ერთი არ იყოს დანაშაული, თუმცა იმ ნივთიერებებით „მოლოტოვის კოქტეილს“ რომ დაამზადებ ესაა დანაშაული. ლაზარე გრიგორიადისი გმირი გახადეს, პოლიციელს ვინც დაარტყა „მოლოტოვის კოქტეილი“, გმირიაო ამბობს და სალომე ზურაბიშვილმა შეიწყალა. ლაზარეს თანატოლებს ან უფრო პატარებს ჰგონიათ, რომ ეს საქციელი გმირობაა.
ასეთი რაღაცები არ გავა ქართულ სახელმწიფოში კი არა არსად არ გავა. ასეთი უსუსური მცდელობების „გაპრავების“ მათივე ენაზე და ჟარგონულად რომ ვთქვათ, იმ თავისი ქმედებების რასაც ჩადიან აღარ გამოვა, დამთავრდა.
მე პირადად დანაშაულის ნიშნებს ვხედავ ამ სპეცრაზმელების ოჯახების წინააღმდეგ მიმართული ბულინგის კამპანიაში. ზოგიერთ მათგანს ფეისბუქის გაუქმებაც კი მოუწია. ამგვარი ქცევის ცვლილება რომ ხდება მინიმუმ კითხვა უნდა დაისვას ხომ არ არის აქ დანაშაული ნიშნები. ეს არ არის ჟურნალისტური საქმიანობა, ადევნებაა ჩვეულებრივი. ეს ჩემი სუბიექტური შეფასებაა რა თქმა უნდა. მოდი იურისტებმა ვიმსჯელოთ, ხომ არ აქვს ამ ჩემს სუბიექტურ შეფასებას საფუძველი სამართლებრივი მსჯელობისა, როგორც მინიმუმ, რომ ამ საკითხზე საგამოძიებო ორგანოებმა იფიქრონ და იმსჯელონ“, – აღნიშნა მამუკა მდინარაძემ.