სანქტ-პეტერბურგის მეტროში განხორციელებული ტერაქტის ერთ-ერთი ორგანიზატორი, აბრორ აზიმოვი გუშინ, პოდმოსკოვიეს ოდინცოვსკის რაიონში დააკავეს. აღნიშნულის შესახებ რუსეთის უსაფრთხოების ფედერალური სამსახურის პრესცენტრი იუწყება.
დაკავებული აზიმოვი თვითმკვლელ ტერორისტ აკბარჯონ ჯალილოვის მომზადებით იყო დაკავებული.
აღსანიშნავია, რომ სანქტ-პეტერბურგში ასევე დააკავეს ტერორისტ თვითმკვლელის ჯალილოვის ექვსი სავარაუდო თანამზრახველი. ჩხრეკისას მათ ასაფეთქებელი მოწყობილობები აღმოაჩინეს.
სანქტ-პეტერბურგის მეტროში, 3 აპრილს მომხდარი ტერაქტის შედეგად 15 ადამიანი დაიღუპა, მათ შორის თვითმკვლელი ტერორისტი. გამოძიების ხელთ არსებული ინფორმაციით, ტერაქტის უშუალო შემსრულებელი 22 წლის აკბარჯონ ჯალილოვი იყო.
კომენტარები