ბრიტანეთის ყოფილმა პრემიერ-მინისტრმა, ლიზ ტრასმა აშშ-ში მემარჯვენეების კონფერენციაზე სიტყვით გამოსვლისას განაცხადა, რომ მისი ქვეყანა მარცხდება და მის გადასარჩენად დონალდ ტრამპის მსგავსი მოძრაობაა საჭირო.
„ახლა ჩვენ გვაქვს დიდი პრობლემა ბრიტანეთში, რომ მოსამართლეები იღებენ გადაწყვეტილებებს, რომლებიც უნდა მიიღონ პოლიტიკოსებმა“, – აღნიშნა ყოფილმა პრემიერ-მინისტრმა.
„ეჭვი არ მეპარება, რომ სანამ ეს ცვლილებები არ დადგება, ჩვენ არ გვექნება ფუნქციონირებადი სახელმწიფო. ბრიტანეთის სახელმწიფო ახლა მარცხდება, არ მუშაობს. გადაწყვეტილებებს პოლიტიკოსები არ იღებენ. გადაწყვეტილებებს ისევ იგივე ხალხი იღებს. ეს არის „დიფ სთეითი“, ეს არის არარჩეული ბიუროკრატია, ეს არის სასამართლო კორპუსი. ჩვენ გვინდა ვიყოთ მეორე ამერიკული რევოლუციის ნაწილი. ჩვენ გვსურს ბრიტანული „დიფ სთეითის“ ჩამოშლა, რომელიც ამერიკულზე უფრო ძველი და ფესვგადგმულია“, – დასძინა მან.