„ჰამასმა“ დღეს ისრაელიდან გატაცებული ექვსი მძევალი უნდა გაათავისუფლოს.
ისრაელის მედია წერს, რომ მძევლების გათავისუფლება მოხდება ორ სხვადასხვა ადგილას, ღაზის სექტორის სამხრეთში მდებარე ქალაქ რაფაჰში და არაბული ანკლავის ცენტრალურ ნაწილში, ნუსეირათში.
მძევლებს თავდაპირველად გადასცემენ „წითელი ჯვრის“ ორგანიზაციას, რომელიც მათ ისრაელის სამხედროების განთავსების ადგილას მიიყვანს.
საავადმყოფოებში გადაყვანამდე მძევლები ოჯახის წევრებს შეხვდებიან.
ისრაელის მედიის ინფორმაციით, ექვსიდან ორი მძევალი „ჰამასის“ ტყვეობაში ათ წელზე მეტი ხნის განმავლობაში იმყოფება, დანარჩენი ოთხი კი 2023 წლის7 ოქტომბერს გაიტაცეს. ექვსი მძევლის სანაცვლოდ, ისრაელი ციხეებიდან 602 პალესტინელ პატიმარს გაათავისუფლებს.
კომენტარები