ცეცხლის შეწყვეტის შეთანხმების ფარგლებში „ჰამასმა“ ხუთი მძევალი გაათავისუფლა. ინფორმაციას ამის შესახებ ისრაელის მედია ავრცელებს.
მედიის ინფორმაციით, მძევლები „წითელი ჯვრის“ ორგანიზაციას ქალაქ რაფაჰში და ნუსეირათში გადასცეს.
პირველ ეტაპზე გათავისუფლებული ორი მძევალი ჯერ – ისრაელის სამხედრო პუნქტთან, შემდეგ კი ისრაელის ტერიტორიაზე გადაიყვანეს.
აღნიშნული ორი მძევლიდან ერთი „ჰამასის“ ტყვეობაში 10 წელზე მეტი ხნის განმავლობაში იმყოფებოდა, ერთი კი 2023 წელს გაიტაცეს.
დღეს, საერთო ჯამში, ექვსი მძევალი უნდა გათავისუფლდეს „ჰამასის“ ტყვეობიდან.
ღაზის სექტორის ცენტრალურ ნაწილში, მძევლების გადაცემის ადგილზე „წითელი ჯვრის“ ორგანიზაციის წარმომადგენლები იმყოფებიან. დღეს, ექვსი მძევლის გათავისუფლების სანაცვლოდ, ისრაელის ციხეებიდან 602 პალესტინელი პატიმრის გათავისუფლება იგეგმება.
„ჰამასში“ აცხადებენ, რომ დაჯგუფება მზად არის, შეასრულოს ცეცხლის შეწყვეტის ხელშეკრულების მეორე ეტაპი.