შოთა რუსთაველის სახელობის ეროვნული თეატრსა და აზერბაიჯანის სახელმწიფო აკადემიურ ეროვნულ დრამატულ თეატრს შორის ურთიერთთანამშრომლობის შესახებ მემორანდუმი გაფორმდა.
მემორანდუმის ხელმოწერას საქართველოს კულტურის მინისტრი თინათინ რუხაძე დაესწრო. ღონისძიებას ასევე ესწრებოდნენ საქართველოში აზერბაიჯანის რესპუბლიკის საგანგებო და სრულუფლებიანი ელჩი ფაიგ გულიევი და რუსთაველის თეატრის სამხატვრო ხელმძღვანელი რობერტ სტურუა.
დოკუმენტს ხელი რუსთაველის თეატრის დირექტორ-განმკარგულებელმა გიორგი თევზაძემ და აზერბაიჯანის სახელმწიფო აკადემიური ეროვნული დრამატული თეატრის დირექტორმა ილჰამ ასგაროვმა მოაწერეს.
მემორანდუმის მიზანია სპექტაკლების შემოქმედებითი გუნდების, რეჟისორების, მსახიობების, სცენის მხატვრების და კოსტიუმების შექმნის ძიება, ერთობლივი პროექტების, ფესტივალების, თეატრალური სემინარების ხელშეწყობა, თეატრებში დადგმული სპექტაკლების მიმართ ევროპისა და მსოფლიო თეატრალური ფესტივალების ინტერესის გაზრდა და სხვა.