რუსეთის შეიარაღებულმა ძალებმა უკრაინაში სამწლიანი ომის შედეგად 250 000 ჯარისკაცი დაკარგა. ინფორმაციას უკრაინის არმიის მთავარსარდალი ოლექსანდრ სირსკი „ტელეგრამის“ საკუთარ არხზე ავრცელებს.
დაჭრილებთან ერთად რუსული არმიის დანაკარგმა 870 000 ჯარისკაცს მიაღწია. გარდა ამისა, როგორც სირსკი წერს, რუსულმა არმიამ ომში 10,1 ათასზე მეტი ტანკი, 21,1 ათასზე მეტი შეჯავშნილი მანქანა და 23,3 ათასზე მეტი საარტილერიო სისტემა დაკარგა.
მისი თქმით, რუსეთმა 2022 წლის თებერვალს დაპყრობილი უკრაინული მიწების 50% დაკარგა, ხოლო დღევანდელი წინსვლა აღმოსავლეთში მას ძვირად უჯდება.
„ჩვენი შესაძლებლობა ვიმოქმედოთ ასიმეტრიულად – ამ ომის ერთ-ერთ განმასხვავებელ ნიშანს წარმოადგენს. კურსკის ოპერაცია ამის დასტურია. მან თავიდან აგვარიდა მტრის შეჭრა სუმისა და ხარკოვის ოლქებში. პირველად 11 წლის განმავლობაში ჩვენ მასშტაბური საბრძოლო მოქმედებები მტრის ტერიტორიაზე გადავიტანეთ და კურსკის ფრონტის ხაზზე ასეულობით კვადრატული კილომეტრი გვიჭირავს“, – დაწერა სირსკიმ.