ვაშინგტონში ვიზიტით მყოფმა დიდი ბრიტანეთის პრემიერ-მინისტრმა, კირ სტარმერმა განაცხადა, რომ დიდი ბრიტანეთი მზად არის, გააგზავნოს თავისი ჯარები და საჰაერო ძალები უკრაინაში სამშვიდობო შეთანხმების უზრუნველსაყოფად.
„დიდი ბრიტანეთი მზად არის, გააგზავნოს ჯარები, განათავსოს საჰაერო ძალები [სამშვიდობო] შეთანხმების უზრუნველსაყოფად, რადგან ეს არის მშვიდობის გაგრძელების ერთადერთი გზა. ეს სწორად უნდა გავაკეთოთ. არ შეიძლება იყოს მშვიდობა, რომელიც აჯილდოებს აგრესორს. ისტორია მშვიდობისმყოფელის მხარეზე უნდა იყოს და არა დამპყრობლის“, – აღნიშნა კირ სტარმერმა დონალდ ტრამპთან გამართულ ერთობლივ პრესკონფერენციაზე.
გარდა ამისა, სტარმერმა აღნიშნა, რომ დიდი ბრიტანეთი უკრაინისთვის დიდ სამხედრო დახმარებას ამზადებს.
კომენტარები