კანადის ხელისუფლება ძლიერ და დაუყოვნებლივ პასუხს გასცემს აშშ-ს იმპორტირებულ პროდუქციაზე დამატებითი ტარიფების დაწესებას, – განაცხადა კანადის პრემიერ-მინისტრმა ჯასტინ ტრუდომ.
მისი თქმით, კანადის მთავრობის უმთავრესი მიზანი აშშ-ის „გაუმართლებელი“ ტარიფებისგან თავის არიდებაა, მაგრამ მინისტრთა კაბინეტი საპასუხო დარტყმისთვის ემზადება, თუ ტრამპი მაინც შემოიღებს ტარიფებს.
„კანადა ძალიან ძლიერ და დაუყოვნებლივ პასუხს გასცემს, როგორც ამას კანადელები ელიან“, – თქვა პრემიერმა.
ცნობისთვის, აშშ-ის პრეზიდენტმა, დონალდ ტრამპმა განაცხადა, რომ 4 მარტს მისი ადმინისტრაცია მექსიკასა და კანადას ტარიფებს დაუწესებს. მან მექსიკა და კანადა აშშ-ში ნარკოტიკების შემოდინებაში დაადანაშაულა.
კომენტარები