უკრაინის შეიარაღებულმა ძალებმა უპილოტო საფრენი აპარატებით რუსეთში, როსტოვის ოლქში მდებარე ნავთობის ბაზა დაბომბა. ინფორმაციას უკრაინული მედია ავრცელებს.
მედიის ცნობით, დაიბომბა როსტოვის ოლქის ჩერტკოვსკის რაიონი. დაბომბვა მოგვიანებით დაადასტურა როსტოვის ოლქის გუბერნატორის მოვალეობის შემსრულებელმა იური სლიუსარმა. მისი თქმით, შეტევა განხორციელდა როსტოვის ოლქის ქალაქ ნოვოშახტინსკზე. მანვე დაადასტურა, რომ დაბომბვის შემდეგ ნავთობბაზაზე ხანძარი გაჩნდა.
მეხანძრეებმა ცეცხლის ჩაქრობა მალევე შეძლეს. რუსული მხარის მტკიცებით, ინციდენტის შედეგად არავინ დაშავებულა.
კომენტარები