“2005 წელს ყველა უნივერსიტეტში გაუქმდა ქართული ენისა და ლიტერატურის კათედრა – “ნაციონალური მოძრაობა“ ებრძოდა ქართულ იდენტობას”

14 აპრილს განვიხილეთ საკანონმდებლო წინადადება, რომლითაც მხარი დავუჭირეთ იმას, რომ 2025 წლის პირველი სექტებიდან სავალდებულო გახდეს უმაღლეს სასწავლებლებში, პირველ საფეხურზე ქართული ენის სწავლება, – განაცხადა გარემოს დაცვისა და ბუნებრივი რესურსების საპარლამენტო კომიტეტის თავმჯდომარის პირველმა მოადგილემ, უმრავლესობის წევრმა ვლადიმერ ბოჟაძემ.

მისი თქმით, ეს არის მნიშვნელოვანი პოლიტიკური გადაწყვეტილება, რაც სტუდენტებს საშუალებას მისცემს, ქართულ ენასა და ლიტერატურას საფუძვლიანად დაეუფლონ.

„ნაციონალური მოძრაობა ებრძოდა ქართულ იდენტობას და ამის მაგალითად მათ შორის შეიძლება ვახსენოთ მაგალითი – 2005 წელს მიღებული გადაწყვეტილება, როცა ყველა უნივერსიტეტში გაუქმდა ქართული ენისა და ლიტერატურის კათედრა და ქართული ენის წავლება აღარ იყო სავალდებულო საუნივერსიტეტო პროგრამაში. 14 აპრილს განვიხილეთ საკანონმდებლო წინადადება, რომლითაც მხარი დავუჭირეთ იმას, რომ 2025 წლის პირველი სექტებიდან სავალდებულო გახდეს უმაღლეს სასწავლებლებში, პირველ საფეხურზე ქართული ენის სწავლება. ეს არის მნიშვნელოვანი პოლიტიკური გადაწყვეტილება. მიუხედავად იმისა, რომ ქართული ენა ისწავლება საშუალო განათლების საფეხურზე, ასევე უმაღლეს სასწავლებელში ყველა პირველკურსელს ჰქონდეს საშუალება, კიდევ უფრო საფუძვლიანად დაუფლოს ქართულ ენას და ლიტერატურას“, – განაცხადა ბოჟაძემ.

პარლამენტი დღეს საკანონმდებლო ცვლილების დაინიცირების შესახებ იმსჯელებს, რომლის მიხედვითაც უმაღლეს სასწავლებლებში ქართული ენის სწავლება სავალდებულო გახდება.