კრემლი უკრაინის, გერმანიის, საფრანგეთის, გაერთიანებული სამეფოსა და აშშ-ს ლიდერებს შორის გამართულ სატელეფონო საუბარს გამოეხმაურა.
დასავლელი ლიდერები 12 მაისიდან, 30 დღით ცეცხლი სრულად შეწყვეტაზე შეთანხმდნენ, თუ ამ ინიციატივას მხარს რუსეთის დაუჭერს. წინააღმდეგ შემთხვევაში კი, მოსკოვს ახალი დასავლური სანქციები დაუწესდება.
კრემლის პრესსპიკერის, დმიტრი პესკოვმა კრემლის პროპაგანდისტთან ინტერვიუში დასავლელი ლიდერების მიერ გახმოვანებულ შესაძლო დამატებით სანქციებზე თქვა, რომ ეს რუსეთისთვის პრობლემას არ წარმოადგენს, ვინაიდან რუსეთი “სანქციებს უკვე შეეჩვია”.
“სანქციებს ჩვენ ყველანი უკვე შევეჩვიეთ. უკვე იდეაც კი გვაქვს იმის შესახებ, თუ რას გავაკეთებთ მათი დაწესების შემდეგ, როგორ მოვახდენთ მათი შედეგების მინიმიზაციას და ა.შ. ჩვენ ამის გაკეთება უკვე ვისწავლეთ”. – თქვა პესკოვმა.
პუტინის სპიკერის თქმით, დასავლელი ლიდერების მიერ დამატებითი სანქციების დაანონსება “დროის ფლანგვა”.
“შესაბამისად, მცდელობა იმისა, რომ ამ სანქციებით შეგვაშინონ, დროის ფლანგვაა. ეს უფრო მათი პრობლემაა, რომ მოუსვენრად გრძნობენ თავს”. – დაამატა პესკოვმა.
პესკოვმა ევროპული ქვეყნები წინააღმდეგობრივი და კონფრონტაციული განცხადებების გაკეთებაშიც დაადანაშაულა.
“ჩვენ ვისმენთ მრავალ წინააღმდეგობრივ განცხადებას ევროპიდან. მათ ძირითადად კონფრონტაციული ხასიათი აქვთ, ვიდრე ის მიზანი, რომ ჩვენი ურთიერთობები აღდგეს. სხვა არაფერი“. – თქვა პესკოვმა.
