ისრაელის პრემიერ-მინისტრმა, ბენიამინ ნეთანიაჰუმ საფრანგეთის პრეზიდენტი, ემანუელ მაკრონი დაადანაშაულა „სასტიკი ისლამისტური ტერორისტული ორგანიზაციის“ მხარდაჭერაში მას შემდეგ, რაც მაკრონმა გააკრიტიკა ისრაელის მიერ ღაზაში დახმარების ბლოკირება.
„მაკრონმა კიდევ ერთხელ გადაწყვიტა მხარი დაეჭირა სასტიკი ისლამისტური ტერორისტული ორგანიზაციისთვის და გაემეორებინა მისი საზიზღარი პროპაგანდა, ისრაელი კი სისხლიან ცილისწამებაში დაადანაშაულა“, – აღნიშნა ისრაელის მთავრობის მეთაურმა.
„ისლამისტურ ტერორისტულ ორგანიზაციებთან მებრძოლი დასავლური დემოკრატიული ბანაკის მხარდაჭერის და მძევლების გათავისუფლების მოწოდების ნაცვლად, მაკრონი კიდევ ერთხელ მოითხოვს ისრაელის დანებებას და ტერორიზმის წახალისებას. ისრაელი არ გაჩერდება და არ დანებდება“, – დასძინა ბენიამინ ნეთანიაჰუმ.
კომენტარები