პოლონეთის მოქმედმა პრეზიდენტმა, ანჯეი დუდამ კაროლ ნავროცკის საპრეზიდენტო არჩევნებში გამარჯვება მიულოცა.
დუდამ პოლონეთის მოქალაქეებს მოქალაქეობრივი მოვალეობის შესრულებისა და „პოლონეთის წინაშე პასუხისმგებლობის აღებისთვის“ მადლობა გადაუხადა.
„კიდევ ერთხელ ვულოცავ ახლად არჩეულ პრეზიდენტ, კაროლ ნავროცკის არჩევნებში გამარჯვებას. ეს იყო რთული, მტკივნეული, მაგრამ წარმოუდგენლად გაბედული ბრძოლა პოლონეთისთვის. მადლობა ამ გმირული ბრძოლისთვის კამპანიის ბოლო წუთამდე“, – წერს დუდა.
პოლონეთის საპრეზიდენტო არჩევნების მეორე ტურში კაროლ ნავროცკიმ გაიმარჯვა. ნავროცკიმ ხმათა 50.9 პროცენტი მოიპოვა.
კომენტარები