უნგრეთის პრემიერ-მინისტრმა, ვიქტორ ორბანმა ბრიუსელის მიერ მიღებული რუსეთ-უკრაინის ომის გახანგრძლივების გადაწყვეტილების გამო, თავდაცვის საბჭო მოიწვია, – ინფორმაციას უნგრეთის მთავრობის პრესსპიკერი, ზოლტან კოვაჩი სოციალურ ქსელში ავრცელებს.
ორბანის განცხადებით, ბრიუსელს ომის გაგრძელება სურს, უნგრეთი კი საომარი მოქმედებების გაგრძელების წინააღმდეგია და ამერიკის შეერთებული შტატების სამშვიდობო ძალისხმევას უჭერს მხარს.
„შეხვედრა იმიტომ მოვიწვიეთ, რომ რუსეთ-უკრაინის ომის შესახებ კიდევ უფრო შემაშფოთებელი ამბები ვრცელდება. სიტუაცია ნათელია. სამწუხაროდ, პრეზიდენტ ტრამპის ამბიციების მიუხედავად ჩვენ ომიდან კი არ გავდივართ, არამედ კიდევ უფრო შევდივართ. ბრიუსელში ბიუროკრატები მხარს არ უჭერენ ამერიკის შეერთებული შტატების სამშვიდობო გეგმებს. მათ გადაწყვიტეს, რომ უკრაინამ ომი უნდა გააგრძელოს. მზად უნდა ვიყოთ იმისთვის, რომ ბრიუსელის ხელმძღვანელობა დაინტერესებულია ომის გაგრძელებით და ყველაფერს გააკეთებს, რათა უნგრეთი ომის მომხრე კოალიციაში ჩართოს. მზად უნდა ვიყოთ იმისთვის, რომ უნგრეთის წინააღმდეგ სადაზვერვო ოპერაციები და უნგრეთიდან დაფინანსებული ცილისწამების კამპანიები გაძლიერდება“, – აღნიშნა ორბანმა შეხვედრის დაწყებამდე.