ბუნებრივია ისინი [ოპოზიცია] პატრონების დავალებებს მიიღებენ, – ასე გამოეხმაურა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი ევროპარლამენტის საგარეო საქმეთა კომიტეტის ანგარიშს, სადაც ევროპარლამენტარები ქართულ ოპოზიციას ადგილობრივი თვითმმართველობის არჩევნების შესაძლებლობის გამოყენებისკენ მოუწოდებენ.
მისი თქმით, შესაძლოა ცალკეულ ევროპარლამენტარებს სურდეთ ოპოზიციის გამარჯვება, თუმცა, ეს დამოკიდებულია არა მათზე, რამედ ქართველ ხალხზე.
„ეს კიდევ ერთხელ ხაზს უსვამს იმას, თუ როგორ გულშემატკივრობენ რადიკალებს ევროპარლამენტიდან ცალკეული პირები და როგორ სურთ მათი მხარდაჭერა და გამარჯვება. მაგრამ საქმე რაშია – ევროპარლამენტზე და ევრობიუროკრატიაზე კი არ არის დამოკიდებული საქართველოში რომელი პარტია გაიმარჯვებს და ვინ იქნება ხელისუფლებაში, საზოგადოებაზეა დამოკიდებული ეს ყველაფერი. გადაწყვეტილებას ქართველი ხალხი მიიღებს“, – განაცხადა მათიკაშვილმა.