სამწუხაროდ, რობინ დანიგანს საქართველო-აშშ-ის შორის ურთიერთობების გაუმჯობესებაში დიდი ნაბიჯები არ გადაუდგამს. ბოლოს გაუგებარი ნაბიჯი იყო პრეზიდენტ ტრამპის მისალოცი წერილის არგამოქვეყნება, რომელიც თვითონვე პრეზიდენტის ადმინისტრაციას გადაუგზავნა, – განაცხადა საპარლამენტო უმრავლესობის წევრმა, თენგიზ შარმანაშვილმა.
„ელჩის მთავარი მოვალეობა ორ ქვეყანას შორის ურთიერთობის განმტკიცებაა და თუ რამე გაუგებრობა არსებობს, მან უნდა იზრუნოს, რომ ეს გაუგებრობები აღმოიფხვრას, ურთიერთობები სხვა ხარისხში გადავიდეს. სამწუხაროდ, დანიგანმა ეს შესაძლებლობა სათანადოდ ვერ გამოიყენა. მან აქტიური ელჩის შთაბეჭდილება არ დატოვა იმ თვალსაზრისით, რომ ამ ურთიერთობების გაუმჯობესებაში დიდი ნაბიჯები არ გადაუდგამს. ბოლოს გაუგებარი ნაბიჯი იყო პრეზიდენტ ტრამპის მისალოცი წერილის არგამოქვეყნება, რომელიც თვითონვე პრეზიდენტის ადმინისტრაციას გადაუგზავნა.
მას წინა ადმინისტრაციის დავალება ჰქონდა გამოყოლილი და როგორც ჩანს, დღემდე მაგ ხაზს ასრულებდა – სხვა ახსნა ამას არ აქვს. შეიძლება, ახალმა ადმინისტრაციამ ჩათვალა, რომ ის ადამიანი უნდა დაინიშნოს, რომელიც საქართველოსთან ურთიერთობებში ახალ ხაზს გაატარებს“, – აღნიშნა შარმანაშვილმა.