კანადამ ჩინეთთან ურთიერთობების გადახედვა და დიალოგი დაიწყო, – ამის შესახებ კანადის პრემიერ-მინისტრმა, მარკ კარნიმ განაცხადა.
კანადის მთავრობის ხელმძღვანელის თქმით, ჩინეთის პრემიერ-მინისტრ ლი ციანთან ბოლო სატელეფონო საუბარი იყო პეკინთან ურთიერთობების გადააზრების დასაწყისი.
დასავლური მედიის შეფასებით, კანადას ჩინეთთან წლების განმავლობაში ცივი ურთიერთობები ჰქონდა.
„ძალიან მნიშვნელოვანია, რომ ჩინეთის ხელისუფლებასთან დიალოგი ხელახლა დავიწყოთ რამდენიმე მიზეზის გამო, მაგრამ მე რამდენიმეზე გავამახვილებ ყურადღებას. ისინი სიდიდით მეორე სავაჭრო პარტნიორები არიან, კანადის სიდიდით მეორე სავაჭრო პარტნიორები. ჩვენ ჩინეთთან არაერთი სავაჭრო დავა გვაქვს. ჩინეთის ტარიფები გავლენას ახდენს ქვეყნის მასშტაბით ფერმერებსა და მეთევზეებზე. ფენტანილი და მისი პრეკურსორები მთელი ქვეყნის მასშტაბით ადამიანებზე ზემოქმედებას ახდენენ. ეს ის საკითხებია, რომლებიც მე პირდაპირ წამოვწიე და ჩვენ ვრცლად ვისაუბრეთ ჩვენს შეშფოთებაზე და დავიწყეთ პროცესები, მათ შორის, მინისტრთა დონეზე დიალოგი ვაჭრობისა და სხვა საკითხებზე. ასე რომ, ჩინეთთან დაკავშირებით არსებობს მნიშვნელოვანი საკითხები, რომლებიც უნდა მოვაგვაროთ“, – აღნიშნა მარკ კარნიმ.